agga511
Gość
|
|
« Odpowiedz #1 : Marzec 30, 2009, 18:19:45 » |
|
Kiedyś na Ślonsku
Kiedyś na Ślonsku cołkimi dniami, bjoły hanysy sie z gorolami. Z godki szło poznać kery je kery, bezto sie prali jak indjanery.
Chłopy z chłopami, baby z babami, tłokli sie solo i rodzinami. Chude szkelety, wyżarte byki furgaly kable i scyzoryki.
Różne tu boły łomoty i trzaski, lamynty, przeklyństfa, skomlynja i wrzaski. W końcu Pon Boczek te larmo usłyszoł, poważnie sie wnerwioł i wszystkich wymiyszoł.
Malice doł Zynka, Zbychowi doł Hajdla, wcisnoł gorola rodzinie łod Zajdla. Hanysa kupjoła se baba z Rzeszowa, wdowa po jednym górniku z Knurowa.
Jygna łod Dziubów wyszła za wdowca co Gierek w aktówce go przywióz ze Sosnowca. Ginter kobjytka wzion se z Czeladz, Pon Boczek pedzioł: że se poradzi.
Ksiegowo Kowalsko co mieszko w bloku dostała Hanysa banioka z przetoku. Zep z warszawiankom krótko jest w związku, a juz zajyżdżo dziołcha po ślonsku.
Bajtle zaś łod nich próbują mówić i choć to krojcoki dajom sie lubić. Małe hanysy lubiom fandzolić jak chcom znerwować małych goroli.
I teroz już wszyndzie, w kościele i szkole, som i hanysy, som i gorole. Jedni chcom drugim sie przypodobać, bo hanys chce mówić, a gorol godać.
PAN HILARY
Loto tyro pan Hilary do dekla mu piere
Bo kajś ten boroczek posioł swoi brele
Szuko w galotach , kabot obmacuje
Przewraco szczewiki , psińco znajduje.
Bajzel w szranku i byfyju
tera leci do antryju
'kurde'- woła -'kurde bele !!
Przewraco leżanka i pod nią filuje
Borok sie wnerwio , gnatow już nie czuje .
Sztucho w kachloku kopie w kredensie ,
Glaca spocono,cały sie trzynsie
Pieroński bryle na amen kajś wcisneło
Za oknem już downo ścimniło
Do zrzadlaoroz zaglondo Hilary -
Aż mu po puklu przefruwły ciary.
Spoziyro na kichol , po lbie sie puko,
Bo znajdły sie brele -te, co tak ich szukoł,
Czy to nima ganba ?- Powiydzcie sami,
Mieć brylena nosie a szukać pod ryczkami
|